150 ta rekord sohibi yana bitta rekordni o‘z hisobiga yozib qo‘ydi

Amerikalik Devid Rash samuraylar qilichi bilan bir daqiqada 65 ta kivini chopib yangi Ginness rekordini o‘rnatdi. Bu haqda UPI agentligi xabar berdi.

Yordamchisi unga kivilarni uloqtirib turgan. Aydaxolik rekordchi esa taxtaning ustida muvozanat saqlagan holda mevalarni havoda chopishga harakat qilgan.

Agentlikning ta’kidlashicha, Rashning hisobida 150 dan ortiq rekord bor. Bundan oldin u bir litr limonadni poxolpoya yordamida 16,53 soniyada ichib, yangi jahon rekordini o‘rnatgandi.