19:23 26 may kuni Respublikaning barcha hududlarida havo harorati tarixiy rekordni yangiladi | |
Kecha, 26 may kuni Respublikaning deyarli barcha mintaqalarida havo harorati bo‘yicha oylik rekordni yangilandi. Bu haqda O‘zbekiston Gidrometeorologiya xizmati markazi ma’lum qildi.
Qayd etilishicha, O‘zbekiston shimolida ayrim joylarda butun oy uchun maksimal haroratning yangi rekordlari qo‘yildi. Boshqacha qilib aytganda, Qoraqalpog‘iston va Xorazm viloyatidagi ko‘pchilik meteorologik stansiyalar ma’lumotlariga ko‘ra 2020 yil 26 mayda qayd etilgan bunday yuqori oylik harorat avval hech qachon kuzatilmagan. Toshkentda, masalan, may oyida eng yuqori harorat 39,9 daraja bundan ancha oldin 1902 yilda qayd etilgan. Oxirgi 20 yil ichida eng yuqori oylik harorat 2004 yilda kuzatilgan va 38,6 darajani tashkil qilgan. Qolgan kuzatuv yillarida eng issiq yillarda Toshkentda may oyidagi harorat 37 darajadan yuqori bo‘lmagan. Respublika janubida bu yil may oyi oxirining haroratlari hoynahoy o‘z rekord qiymatlari 43-44 darajaga yetmaydi. Oyning oxirigacha Respublikada asosan quruq va kam bulutli ob-havo saqlanib turadi. Faqat respublikamizning shimoli va cho‘l zonasida shamolning tezligi sekundiga 15-20 metrgacha kuchayishi mumkin. Havo harorati 34-39 daraja atrofida bo‘ladi, mamlakatimiz shimoli, janubi va cho‘l zonasida 40-42 darajagacha ko‘tariladi. 29–30 may kunlari harorat bir oz (2-3darajaga) pasayadi. Yozning boshida ob-havoda sezilarli o‘zgarish bo‘lmaydi.
Manba: "kun.uz"
| |
|