Alisher Usmonov Kubertenning 8,8 mln dollarlik qo‘lyozmasini Lozannadagi Olimpiya muzeyiga sovg‘a qildi

2019-yilda manifest Sotheby’s auksionida noma’lum xaridorga 8,8 million dollar evaziga sotilgan edi.

MOQ rahbari Tomas Bax hujjatning sovg‘a qilinishini “tarixiy lahza” deb atadi. Usmonov esa o‘z navbatida Olimpiya muzeyi — “bebaho qo‘lyozma uchun eng maqbul joy” ekanligini ta’kidlagan.

Manifest 1889-yilda yozilgan. 14 varoqdan iborat qo‘lyozmaga zamonaviy Olimpiyada o‘yinlari asoslari yozilgan bo‘lib, aynan ushbu hujjatda “xalqlar o‘rtasidagi kurash faqat sportda bo‘lishi kerak”ligi yozilgan.

Pyer de Kuberten — fransiyalik sport va jamoat arbobi, tarixchi, pedagog, adabiyotshunos. Zamonaviy Olimpiyada o‘yinlari tashabbuskori. 26 yil davomida Xalqaro olimpiya qo‘mitasiga prezidentlik qilgan.