Amerikalik qiz o‘z xonasida... yuk mashinasi g‘ildiraklari ostida halok bo‘ldi

Amerikaning Laredo shahri (Texas shtati)da yashovchi qiz o‘z yotog‘ida... yuk mashinasi urib ketishi oqibatida halok bo‘ldi.

«Daily Star» yozishicha, 14-dekabr mashina uyni buzib kirganida o‘quvchi qiz — 17 yoshli Aramis Mora o‘z xonasida, kompyuterda masofadan ta’lim olayotgan bo‘lgan.

Dastlabki ma’lumotlarga ko‘ra, bexosdan haydovchining tobi qochishi oqibatida yuk mashinasi boshqaruvi yo‘qotilishi noxush voqeaga sabab bo‘lgan.

Haydovchini ham og‘ir ahvolda shifoxonaga olib ketishgan, deyiladi xabarda.