"Amiran" filmining ilk namoyishi bo‘lib o‘tdi

8-iyun kuni rejissyor Azamat Axrorovning "Amiran" deb nomlangan filmining uzoq kutilgan premerasi bo‘lib o‘tdi. Film taqdimoti noodatiy tarzda o‘tkazildi.

Film ijodkorlari, mehmon san’atkorlar, aktyor va aktrisalar uchun maxsus qizil yo‘dakcha tashkil etildi. Tashrif buyurgan har bir ijodkorlarni filmning rejissyori va bosh qahramoni Azamat Ahrorov qarshi oldi. Ular boshlovchilar tomonidan tomoshabinlarga tanishtirildi.

Xonandalar Kaniza, Shod guruhi va Yusufxon Nurmatov o‘zlarining sara qo‘shiqlari bilan muxlislarni quvontirishdi. Bu safar film ijodkorlari sahnaga taklif etilmadi.

Faqatgina Azamat Axrorov sahnaga chiqib, tashrif buyurgan mehmonlarga, ijodiy jamoasiga minnatdorchilik bildirdi.