Главная » 2021 » Март » 2 » Andijonda 7 yoshli bola jinoyat fosh bo‘lishiga hissa qo‘shdi
16:00

Andijonda 7 yoshli bola jinoyat fosh bo‘lishiga hissa qo‘shdi


2021-yilning 27-fevral kuni soat 19:15 larda noma’lum shaxs o‘zining boshqaruvidagi «Spark» rusumli avtomashinasida Oltinko‘l tumani Ko‘makay MFY hududida yo‘l chetida ketayotgan voyaga yetmagan 1-sinf o‘quvchisi 7 yoshli Asadbek B.ning oldida to‘xtab, uning qo‘lidagi narxi 450.000 so‘mlik RedMi-5 rusumli uyali telefon apparatidan bir marotaba qo‘ng‘iroq qilib olish uchun olib, hodisa joyidan qochib ketgan.

Olib borilgan tergovga qadar tekshiruv harakatlari davomida voyaga yetmagan Asadbek B. ushbu «Spark» rusumli avtomashinaning davlat raqamini eslab qolib, otasiga ma’lum qilgani natijasida ushbu jinoyatni 23 yoshli Husniddin R. sodir etganligi aniqlanib, o‘z xohishi bilan talonchilik orqali qo‘lga kiritgan uyali telefon apparatni Asadbek B.ning otasiga olib borib berganligi ma’lum bo‘lgan.

Mazkur holat yuzasidan Oltinko‘l tumani IIB huzuridagi Tergov bo‘linmasi tomonidan Husniddin R.ga nisbatan O‘zbekiston Respublikasi Jinoyat kodeksining 166-moddasi 1-qismi (Talonchilik) bilan jinoyat ishi qo‘zg‘atilgan.

Hozirda tergov davom etmoqda.


Manba: "xabar.uz"
Категория: Mahalliy Habarlar | | Теги: hissa qo‘shdi, jinoyat, fosh, Andijonda, Bola | Рейтинг: 0.0/0
Всего комментариев: 0
avatar

Copyright © Tarona.net Media 2014-2021 | Все права защищены | Реклама |
Мы не несём ответственности за содержание. | Права на фильмы принадлежат их авторам. Все фильмы представлены только для ознакомления. |
Администрация не несет ответственности за размещенные пользователями нелегальные материалы! Любой фильм будет удален по требованию правообладателя