Главная » 2020 » Декабрь » 7 » Andijonda birovning xotini bilan «yurgan» prokuror yordamchisi ishdan olindi
20:36

Andijonda birovning xotini bilan «yurgan» prokuror yordamchisi ishdan olindi


Odamlarga gap topilmay turadi, ayniqsa, ijtimoiy tarmoqqa «tanda qo‘ygan»lar uchun. Ikki kundan buyon Andijon viloyatidagi tumanlarning birida prokuror yordamchisiga oid voqea muhokama mavzusiga aylandi: emishki, u birovning xotini bilan «yurar» ekan! Munosabat-izohlardagi tavqi-la’natlarni-ku, qo‘yavering...

Ko‘p o‘tmay o‘sha «Don Juan» ishdan olingani haqida xabar tarqagach, muhokamalarning keyingi bosqichi boshlandi. E’tiborlisi, bu safar prokuratura xodimiga xayrixohlar ham paydo bo‘lib, shaxsiy hayot daxlsiz ekani, buning uchun ishdan haydashdek chora qo‘llash to‘g‘ri emasligi ta’kidlanadi...

Bugun ertalab ish yuzasidan Bosh prokuratura matbuot xizmati bilan bog‘lanib, kerakli ma’lumotlarni olgach, gap orasida andijonlik «ishtonbog‘i bo‘sh» xodim va uning «sevligisi»ga oid xabarlar xususida ham so‘raldi.

Mahkama matbuot xizmati rahbari hammasidan boxabarligi, xodimning ishdan bo‘shatilganiga izoh o‘laroq, tizimda professional salohidan tashqari «shaxsiy hayot» masalasiga ham qattiq e’tibor berilishi, axloqi so‘roq ostidagi kadrdan, agar u «almashtirib bo‘lmas» taqdirdayam, darhol voz kechilishi mutlaqo tabiiy ekanini qayd etdi. Zero, Bosh prokurorning maxsus buyrug‘i bilan tasdiqlangan «Kasb odobnomasi» shuni talab qiladi...


Manba: "xabar.uz"
Категория: Mahalliy Habarlar | | Теги: prokuror, xotini, Andijonda, ishdan olindi, yurgan | Рейтинг: 0.0/0
Всего комментариев: 0
avatar

Copyright © Tarona.net Media 2014-2021 | Все права защищены | Реклама |
Мы не несём ответственности за содержание. | Права на фильмы принадлежат их авторам. Все фильмы представлены только для ознакомления. |
Администрация не несет ответственности за размещенные пользователями нелегальные материалы! Любой фильм будет удален по требованию правообладателя