Главная » 2020 » Сентябрь » 29 » Andijonlik zo‘ravon UFC jangchisi qidiruvga berildi
22:28

Andijonlik zo‘ravon UFC jangchisi qidiruvga berildi


Andijonlik UFC jangchisi sherigi bilan ichki ishlar organi xodimini ayovsiz kaltaklab, qochib ketgan edi. Andijon shahar sudi uni qamoqqa olishga ajrim chiqargan, hozir gumondor qidirilmoqda. Bu haqda "Zed News" kanali xabar bermoqda.

Nima bo‘lgan o‘zi?

24 sentyabrda Andijon shahar IIB 1-sonli milisiya bo‘limi huzuridagi tergov bo‘linmasi rahbari, kapitan S.G‘. “Damas” mashinasida ketayotib, yo‘l qoidasini buzib, yo‘l chetida to‘xtab turgan “Spark” mashinasiga urilgan. Bunga javoban “Spark” haydovchisi va salon ichidagi yo‘lovchi “Damas” haydovchisini urib, tan jarohati yetkazishgan. Jabrlanuvchi shifoxonaga olib ketilgan.

Ijtimoiy tarmoqlarda tarqalgan videoga ko‘ra, xodimni urgan fuqaro UFC jangchisi H.E. ekani aniqlangan. Ayrim manbalarga ko‘ra, u dog‘istonlik UFC jangchisi Habib Nurmagomedovning yaqin do‘sti hisoblanadi.

Sud-ekspertiza xulosasi

26 sentyabrda sud tibbiy ekspertizasi o‘tkazilgan. Unga ko‘ra, jabrlanuvchiga "bosh miya yopiq shikasti, bosh miya chayqalishi, chap tomon g‘alvirsimon suyak katakchalarining yopiq sinishi, burun to‘sig‘ining travmatik qiyshayishi, chap ko‘z qovoqlari qontalashi, teri osti gematomasi, chap ko‘z olmasi 2-darajali kontuziyasi, chap chakka sohasi shilinishi" tashxisi qo‘yilgan.

Sud dastlab uning aybini xavflilik darajasi yuqori bo‘lmagan deb topmoqchi bo‘lgan, ammo qasddan qochib ketgani uchun uni qamoqqa olish haqida ajrim chiqargan va qidiruvga berilgan.


Manba: "aniq.uz"
Категория: Mahalliy Habarlar | | Теги: jangchisi, ufc, Andijonlik, zo‘ravon, qidiruvga berildi | Рейтинг: 0.0/0

Copyright © Tarona.net Media 2014-2024 | Все права защищены | Реклама |
Мы не несём ответственности за содержание. | Права на фильмы принадлежат их авторам. Все фильмы представлены только для ознакомления. |
Администрация не несет ответственности за размещенные пользователями нелегальные материалы! Любой фильм будет удален по требованию правообладателя