Android-smartfon batareyasi umrini uzaytiramiz

Agar siz Android operatsion tizimida ishlaydigan telefon sohibi bo‘lsangiz, unda ushbu maslahatlar siz uchun!

Dangasalar uchun

Google Play’da smartfon sozlamalarida siz uchun “qora ish”ni bajaradigan ko‘plab dasturlar bor. Bunday dasturlar Wi-Fi modulini siz undan foydalanmayotgan vaqtda o‘chirib qo‘yadi, telefon nofaol vaqtda dasturlarning yangilanishini taqiqlaydi, hatto markaziy protsessor chastotasini pasaytiradi.

G‘ilofni tekshiring

Ha, eng oddiy smartfon g‘ilofi ba’zan uning avtonom ishlash vaqtini sezilarli tarzda uzaytirishi mumkin. Gap shundaki, telefon klavishlar bosilgan vaqtda yonadi va qanchadir vaqt davomida ekran bekorga batareyani sarflaydi. Telefonni g‘ilof ichiga solish orqali, siz devaysning o‘z-o‘zidan yonib qolish ehtimolini kamaytirasiz.

Tarmoq rejimini to‘g‘ri tanlang

Keng tarqalgan fikrga qaramasdan, 3G (WCDMA) rejimidan 2G (GSM) rejimiga o‘tish doim ham kamroq energiya sarfiga olib kelmaydi. Smartfon asosan suhbatlar uchun ishlatilgandagina bu o‘rinli bo‘lishi mumkin. Ma’lumotlar uzatish bilan ishlashda esa tezkorroq 3G tejamkorroq hamdir.

Kechasi keraksiz funksiyalarni o‘chirib qo‘ying

Wi-Fi, GPS hamda ma’lumotlar uzatish va sinxronizatsiya o‘chiq turishi batareyani ancha tejash imkonini beradi. Agar bu modellar o‘chirib qo‘yilmasa, smartfon o‘z quvvatining chorak qismini “yeb qo‘yishi” mumkin.

Ekran yorqinligi

Ekran ko‘pincha smartfon energiyasining eng katta qismini sarf qiladi, ayniqsa, yorqinlik darajasi 75—100 foiz bo‘lgan hollarda energiya sarfi avjiga chiqadi. Shuning uchun, yorqinlikni masalan, 65 foizgacha kamaytirish orqali, avtonom ishlash vaqtini ahamiyatli ravishda uzaytirish mumkin.

Manba: “Migom.by”