AQSh qirg‘oqlarida Rossiya razvedka kemasi aniqlandi

AQSh qirg‘oqlaridagi neytral suvlarda Rossiya razvedka kemasi “Viktor Leonov” aniqlandi. Bu haqda CNN xabar berdi, deb yozadi Meduza.

Radiosignallarni tutishga mo‘ljallangan kemani Shimoliy Karolina shtati Uilmington shahridan 160 kilometr janubi-sharqda payqashgan. Hozirgi paytda u USS Cole esminetsi va Amerikaning boshqa kemalaridagi harbiylar tomonidan kuzatilmoqda.

Harbiylar ma’lumotlariga ko‘ra, o‘tgan hafta “Viktor Leonov” Trinidad va Tobago poytaxtidan Karib havzasiga yo‘l olgan hamda Kanaveral burni va AQSh Harbiy-dengiz kuchlarining Kings-Beye va Norfolkdagi harbiy bazalari hududida harakatlangan.