Главная » 2018 » Май » 12 » Ayol muhabbati har nega qodir
18:49

Ayol muhabbati har nega qodir


Bir dono ayolga hayotda tajribasi yo'q ayol hasrat va alam bilan murojaat qildi.

— Opajon, men turmush o'rtog'im bilan ajrashmoqchiman. Men undan o'ch olmoqchiman. Unga shunday azob berayki, u qiynalsin, alamidan faryodi ko'kka yetsin. Nima qilsam, u azobda qoladi?

Shunda dono ayol yosh juvonga shunday maslahat berdi:

— Siz xojangizga go'yoki uni o'ta sevib qolgan ayol rolini o'ynang. Hammasi shunday tabiiy bo'lsinki, natijada u siz ko'rsatayotgan mehr-muhabbatdan hech qayoqqa qocha olmay, sizni sevib qolsin. Siz shunday harakat qilingki, o'zingizni telbalarcha sevdiring. U sizni sevib qolgandan so'ng esa, marhamat, uni tashlab ketavering. Ana u azob dunyodagi eng oliy jazo bo'ladi!

Bu maslahat ayolga ma'qul tushib, debdi:

— Agar maslahatingiz natija bermasa-chi?

Dono ayol:

— Albatta, natija beradi. Menga ishoning, — debdi tabassum bilan.

Ayol uyiga jo'nab ketibdi. O'sha kundanoq dono ayol aytgan har bir so'zga amal qila boshlabdi. Oradan bir yilcha vaqt o'tib, ko'chada ushbu ayol dono ayol bilan behos uchrashib qolibdi. Dono ayol so'rabdi:

— Nima bo'ldi? Xojangiz bilan ajrashmoqchi edingiz…

Shunda ayol javob beribdi:

— Men ajrasharkanmanmi? Men-a?! Hayotimdan kechsam kechamanki, hayotim mazmuni bo'lgan xojamdan o'lgunimcha ajralmayman. Menga ularsiz, ularga mensiz hayot yo'q!



Eslatib o‘tamiz, xar yakshanba muxlislar kuni bo‘lib, o‘z muammo yoki ko‘ngil kechinmalari bilan bo‘lishib, keng omma bilan xal qilishga imkoniyatingiz bor.
tarona.net@bk.ru pochtasiga voqea yoki muammoingizni yozib yuborishingiz yoki @tarona_tv manziliga telegramdan voqeangizni yuborishingiz mumkin.
Bunda sizni telefon raqamingiz ko‘rinmasligi va sizni voqeangiz anonim tarzda chop etilishiga kafolat!
Diqqat! Saytga chop etilib bo‘lingan maktub keyin talabga binoan olib tashlanilmaydi!
Voqeangiz sayt orqali keng ommaga chiqishi va xalqdan turli maslaxatlar bo‘lishini bilib turib jo‘natdingizmi, o‘zingiz kutmagan va yoqtirmagan maslaxatni olib keyin olib tashlang deyish mantiqsiz!
Категория: Sevgi dunyosi | | Теги: muhabbati, Ayol, har nega qodir | Рейтинг: 0.0/0

Copyright © Tarona.net Media 2014-2024 | Все права защищены | Реклама |
Мы не несём ответственности за содержание. | Права на фильмы принадлежат их авторам. Все фильмы представлены только для ознакомления. |
Администрация не несет ответственности за размещенные пользователями нелегальные материалы! Любой фильм будет удален по требованию правообладателя