Bill Geyts 4,6 milliard AQSh dollarini xayriya qildi

Amerikalik milliarder, “Microsoft” kompaniyasining sobiq rahbari Bill Geyts 2000 yildan buyon eng yirik hajmdagi xayriyani amalga oshirdi. Bu haqda Bloomberg xabar bermoqda.

Xayriya miqdori 4,6 milliard AQSh dollariga teng bo‘lib, asosiy xayriya mablag‘i Billning rafiqasi Melinda Geyts tomonidan tashkil etilgan xayriya jamg‘armasiga o‘tkazildi. Xayriyaning qolgan qismi qaysi tashkilotga sarflangani ma’lum qilinmagan.

Ma’lumotlarga qaraganda, Bill va Melinda Geytslar 1994 yildan buyon jami 35 milliard AQSh dollari miqdorida xayriya qilishgan.

Zohirshoh Jo‘raev