Главная » 2021 » Сентябрь » 26 » BMT bosh kotibi insoniyat yadroviy halokat yoqasida ekanini aytdi
16:03

BMT bosh kotibi insoniyat yadroviy halokat yoqasida ekanini aytdi


BMT bosh kotibi Antoniu Guterrish Twitter’dagi sahifasida insoniyat hamon yadroviy halokat yoqasida turganini aytdi.

26 sentabr butun dunyoda Xalqaro yadro qurolini to‘liq yo‘q qilish uchun kurash kuni sifatida nishonlanadi.

“Butun dunyoda 14 mingga yaqin yadro quroli mavjud. Insoniyat yadroviy halokatga hamon juda yaqin turibdi”, deb aytgan Guterrish o‘z bayonotida.

Uning aytishicha, tinchlik va o‘zaro ishonchning yangi davrini boshlash uchun yadro qurollarini yo‘q qilish vaqti keldi.

Avvalroq BMT bosh kotibi davlatlar o‘rtasida yangi qurol poygasi boshlanganidan xavotir bildirgan.

AQShning qurollanishni nazorat qilish uyushmasining qurolsizlanish va xavfni kamaytirish siyosati bo‘yicha direktori Kingston Reyf yirik davlatlar o‘rtasida boshlangan yangi yadro poygasi insoniyatga nazorat qilib bo‘lmaydigan harbiy mojaro bilan xavf solayotganini aytgandi.

Shu bilan birga, uning ta'kidlashicha, hozirda sobiq ittifoq va AQSh o‘n minglab atom quroli ishlab chiqargan sovuq urush vaqtidagidek darajada qurollanish poygasi yo‘q.


Manba: "kun.uz"
Категория: Dunyo xabarlari | | Теги: BMT, yadroviy, insoniyat, yoqasida, halokat | Рейтинг: 0.0/0
Всего комментариев: 0
avatar

Copyright © Tarona.net Media 2014-2021 | Все права защищены | Реклама |
Мы не несём ответственности за содержание. | Права на фильмы принадлежат их авторам. Все фильмы представлены только для ознакомления. |
Администрация не несет ответственности за размещенные пользователями нелегальные материалы! Любой фильм будет удален по требованию правообладателя