Bo‘stonliqda o‘smir yigit o‘z tengdoshini pichoqladi

Toshkent viloyati Bo‘stonliq tumanida joriy yilning 20 may kuni soat 12.00 larda Xondoyliq qishlog‘ida yashovchi, Bo‘stonliq qishloq xo‘jaligi va tadbirkorlik kasb-hunar kolleji 2-bosqich o‘quvchisi Z.U. (1999 yilda tug‘ilgan) tengdoshiga tan jarohati yetkazdi.

Toshkent viloyati IIB tomonidan xabar berilishicha, o‘zaro janjal oqibatida Xondoyliq qishlog‘ida yashovchi Toshkent avtomobilchilar kasb-hunar kolleji 2-bosqich o‘quvchisi Sh.T.ni (1999 yilda tug‘ilgan) osh pichog‘i bilan o‘ng tomon bel sohasiga bir marotaba urib, tan jarohati yetkazgan. Natijada jabrlanuvchi shifoxonaga murojaat qilgan.

Hozirda holat yuzasidan O‘zbekiston Respublikasi Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari olib borilmoqda.

Bobur Jalolov