Главная » 2018 » Апрель » 8 » “Boriga baraka” shousi shartlari qimorga kiradimi?
22:00

“Boriga baraka” shousi shartlari qimorga kiradimi?


Бугун Ўзбекистонда фаолият юритаётган кўрсатувлар бир-биридан ранг-баранг, бир-биридан қизиқарли. Мазмунан турфа хил. Ана шундай кўрсатувлардан бири “Борига барака” шоуси. Бу кўрсатув эл орасида анчайин тез оммалашди ва шунга яраша айрим гап-сўзлар ҳам пайдо бўлди. Яъни бу кўрсатувда қатнашиб, ўйнаш қиморлиги ҳақда. Savollar.islom.uz порталига юборилган саволлардан бири айнан шу ҳақда бўлди.

“Ассалому алайкум! Ҳозирда телеканаллардан бирида БОРИГА БАРАКА кўрсатуви бeрилмоқда. Жуда кўп инсонлар шунда иштирок этишмоқда. Ўйин шарти: 5000 сўм уларнинг ҳисобига ўтказгандан кeйин иштирокчига айланилади. Ўйинда иштирокчини шу пулни ўтказган инсонлардан танлаб олишади. Кейин шу ўйинга таклиф қилишади ва у инсон нимадир ютиб олиши аниқ. Шу ўйин қимор шартларига тўғри кeладими?

«Зикр аҳлидан сўранг» ҳайъати ушбу саволга қуйидаги тартибда жавоб берган:

“Ва алайкум ассалом! Ҳа қимор бўлади, чунки икки ёки ундан кўп томон пул тикиб, оқибатда бирининг фойдасига бўладиган ҳар бир ҳолат қимордир. Агар шу қоидага тушса, жоиз эмас. Турли ўйинлардаги ютқазган пулини тўлаш ҳам қимордир. Аллоҳ таоло “Моида” сурасида марҳамат қилади:

يَا أَيُّهَا الَّذِينَ آمَنُواْ إِنَّمَا الْخَمْرُ وَالْمَيْسِرُ وَالأَنصَابُ وَالأَزْلاَمُ رِجْسٌ مِّنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ۝

90. Эй иймон келтирганлар! Албатта, хамр, қимор, бутлар ва (фол очар) чўплар ифлосдир. Шайтоннинг ишидир. Бас, ундан четда бўлинг. Шоядки, зафар топсангиз.

إِنَّمَا يُرِيدُ الشَّيْطَانُ أَن يُوقِعَ بَيْنَكُمُ الْعَدَاوَةَ وَالْبَغْضَاء فِي الْخَمْرِ وَالْمَيْسِرِ وَيَصُدَّكُمْ عَن ذِكْرِ اللّهِ وَعَنِ الصَّلاَةِ فَهَلْ أَنتُم مُّنتَهُونَ۝

91. Албатта, шайтон хамр ва қимор туфайли ораларингизга адоват ва нафрат солишни ҳамда сизларни Аллоҳнинг зикридан ва намоздан тўсишни истайдир. Энди тўхтарсизлар?!

Валлоҳу аълам!”.


Manba: "kun.uz"
Категория: Mahalliy Habarlar | | Теги: Boriga Baraka | Рейтинг: 0.0/0

Copyright © Tarona.net Media 2014-2024 | Все права защищены | Реклама |
Мы не несём ответственности за содержание. | Права на фильмы принадлежат их авторам. Все фильмы представлены только для ознакомления. |
Администрация не несет ответственности за размещенные пользователями нелегальные материалы! Любой фильм будет удален по требованию правообладателя