Chaqalog‘ini o‘ldirib, quduqqa tashlagan ayol hibsga olindi

Qozog‘istonning Kostanay viloyatida o‘zining chaqalog‘ini o‘ldirib, quduqqa tashlab ketgan ayolni viloyat Ichki ishlar departamenti xodimlari hibsga oldi. Bu haqda “KazInform” xabar qildi.

Ma’lum bo‘lishicha, 38 yoshli ayol farzandini dunyoga keltirib, keyin uni o‘ldirgan va o‘zi yashaydigan Kenaral qishlog‘idagi quduqqa tashlab yuborgan.

Voqeadan bir kun o‘tgach, Qozog‘iston chegara harbiylari quduqdan foydalanish chog‘ida bolaning jasadini topib olgan. Shundan so‘ng ular bu haqda departamentga xabar qilgan.

Hozirda ayolga nisbatan Qozog‘iston Jinoyat kodeksining tegishli moddalari bilan jinoyat ishi ochilgan.

Ikrom Rahmon