COVID-19 ga qarshi kurashda Germaniya tajribasining siri

Ko‘pchilik Germaniyada koronavirusga qarshi kurash samaradorligi (Italiya, Ispaniya va Fransiya bilan taqqoslaganda) sog‘liqni saqlash tizimi sifati bilan bog‘liq, deb hisoblashadi. Biroq asosiy omil — omad va kuchli davlat xizmati tizimi mavjudligi hisoblanadi.

Muhim omillardan yana biri — aksariyat infeksiya yuqtirgan odamlarning yoshi hisoblanadi. Bemorlarning o‘rtacha yoshi 46 yosh atrofida bo‘lgan.

60 yosh va undan yuqori bo‘lgan bemorlar 16-18 foizdan oshmagan. Ulardan atigi bir nechtasigina jonlantirish bo‘limida davolanishga muhtoj bo‘lishgan. Germaniyada aksariyat keksa odamlar farzandlaridan alohida mustaqil yashashadi va bu keksa yoshlilarning ommaviy zararlarnish xavfini kamaytirgan.

Nemis olimlari, siyosatchilari, OAV vakillari va jamoatchilikning tezkor sa’y-harakatlari bilan bir qatorda, fuqarolarning karantin qoidalariga so‘zsiz rioya qilishi infeksiya epidemiyasining avj olishiga to‘sqinlik qildi.