Главная » 2021 » Март » 15 » Di Mariya va Markinosning uylariga o‘yin payti o‘g‘ri tushdi
12:13

Di Mariya va Markinosning uylariga o‘yin payti o‘g‘ri tushdi


Fransiya chempionatining 29-turi doirasida «Nant»ga qarshi uchrashuv ketayotgan bir paytda «Pari Sen-Jermen» futbolchilari Anxel Di Mariya va Markinosning uylariga o‘g‘ri tushdi.

O‘yinning ikkinchi taymida maydonda noodatiy voqea yuz berdi. «PSJ» sport direktori Leonardo telefonda kim bilandir gaplashib bo‘lib, keyin bosh murabbiy Maurisio Pochettinoga nimadir degan, u esa darhol Di Mariyani zaxiraga olib, kiyim almashtirish xonasiga birga kirib ketgan.

Keyin ma’lum bo‘lishicha, o‘yin payti argentinalik futbolchining uyiga o‘g‘rilar tushgan, bu paytda uyda uning xotini va yosh bolalari bo‘lgan. «L’Equipe» yozishicha, xuddi shu paytda parijliklarning yana bir futbolchisi Markinosning uyini ham o‘g‘ri urgan.

Ayrim ma’lumotlarga ko‘ra, har ikki futbolchining oilalari talonchilar tomonidan garovga olingan bo‘lgan. Politsiya surishtiruvni boshlagan.

O‘yinga qaytadigan bo‘lsak, 1:0 hisobida oldinda borayotgan «PSJ» keyin ikki gol o‘tkazib yuborib, mavsumdagi yettinchi mag‘lubiyatni qabul qilib oldi va chempionlik uchun kurashda yetakchilikka chiqish imkonini qo‘ldan boy berdi.

Di Mariya – Argentinaning «Rosario Sentral» klubi tarbiyalanuvchisi, keyin «Benfika»ga o‘tgan. «Real Madrid»da, undan so‘ng «Manchester Yunayted»da to‘p surgan — Angliyada ham o‘g‘rilar hujumiga duch kelgan. O‘shandan so‘ng Fransiyaga kelgandi.


Manba: "xabar.uz"
Категория: Sport olami | | Теги: uylariga, Markinosning, o‘yin payti, Di Mariya, O‘g‘ri | Рейтинг: 0.0/0

Copyright © Tarona.net Media 2014-2024 | Все права защищены | Реклама |
Мы не несём ответственности за содержание. | Права на фильмы принадлежат их авторам. Все фильмы представлены только для ознакомления. |
Администрация не несет ответственности за размещенные пользователями нелегальные материалы! Любой фильм будет удален по требованию правообладателя