Главная » 2021 » Январь » 24 » Dunyoda ikki qo‘l va yelkaning ko‘chirib o‘tkazilishi bo‘yicha ilk amaliyot amalga oshirildi
11:19

Dunyoda ikki qo‘l va yelkaning ko‘chirib o‘tkazilishi bo‘yicha ilk amaliyot amalga oshirildi


Fransiyada dunyoda ikki qo‘l va yelkaning ko‘chirib o‘tkazilishi bo‘yicha ilk jarrohlik amaliyoti o‘tkazildi. Tana a'zolari 48 yoshli islandiyalik Feliks Gretarssonga ko‘chirib o‘tkazilgan.

The Guardian nashrining yozishicha, Gretarsson qo‘llarini 1998 yilda ishlab chiqarishdagi baxsiz hodisa tufayli yo‘qotgan. Erkak yuqori kuchlanishli elektr uzatish linyasida ishlayotgan vaqtda kuchlanish 11 ming voltgacha ko‘tarilib ketishi oqibatida ikki qo‘lini kuydirib olgan.

Shundan keyin erkak ko‘plab jarohatlar bilan 3 oy komada yotgan. Shifokorlar uning qo‘lini kesib tashlashlariga hamda yana bir nechta operatsiya o‘tkazishlariga to‘g‘ri kelgan.

Gretarsson uchun donorlar uzoq yillar davomida izlangan. Operatsiyaga tayyorgarlik ko‘rishga 50 tibbiy xodim jalb qilingan. Operatsiya vaqtida tana a'zolarini donordan retsipiyentga ko‘chirib o‘tkazish vaqtini minimallashtirish uchun 4ta jarrohlik brigadasi ish olib borgan.  

Hozirda erkak Liondagi shifoxonalardan birida tiklanmoqda. Shifokorlar Gretarssonning yangi qo‘llari qanchalik harakatchan bo‘lishi bo‘yicha bir narsa deyishga shoshilmayaptilar. Jarrohlardan biri Aram Gazaryanning ta'kidlashicha, agar bemor tirsagini buka olsa, bu uning hayotini o‘zgartirib yuboradi.


Manba: "kun.uz"
Категория: Dunyo xabarlari | | Теги: Dunyoda, o‘tkazilishi, qo‘l, ko‘chirib | Рейтинг: 0.0/0
Всего комментариев: 0
avatar

Copyright © Tarona.net Media 2014-2021 | Все права защищены | Реклама |
Мы не несём ответственности за содержание. | Права на фильмы принадлежат их авторам. Все фильмы представлены только для ознакомления. |
Администрация не несет ответственности за размещенные пользователями нелегальные материалы! Любой фильм будет удален по требованию правообладателя