Dunyoning eng boy odami almashdi

«Tesla» va «SpaceX» kompaniyalarining rahbari, ishbilarmon Ilon Mask dunyoning eng boy odamlari reytingida birinchi o‘ringa ko‘tarilib oldi. Bu haqda 7-yanvar kuni CNBC telekanali xabar berdi.

Jurnalistlarning ma’lum qilishicha, Mask ushbu reytingda «Amazon» kompaniyasi boshlig‘i Jeff Bezosdan o‘tib ketdi.

Qayd etilishicha, Ilon Maskning boyligi qimmatli qog‘ozlar savdosida «Tesla» aksiyalari bahosining o‘sishi tufayli 188 milliard dollarga yetgan. Bu Bezosning mol-mulkidan 1 milliard dollarga ko‘p degani.