Dunyoning eng qimmat shaharlari reytingida Toshkent 413-o‘rinni egalladi

Shuningdek, ro‘yxatdan Markaziy Osiyodagi boshqa shaharlar ham o‘rin olgan. Jumladan, Qozog‘istonning Nur-Sulton va Olmaota shaharlari tegishli ravishda 386 va 389-o‘rinda, Qirg‘iziston poytaxti Bishkek esa 410-o‘rinda qayd etilgan.

Reytingdagi birinchi beshlik Shveysariya shaharlari — Syurix, Bazel, Lozanna, Jeneva va Byorn o‘rtasida taqsimlandi. Keyingi o‘rinlarni esa Norvegiyaning Stavanger, Oslo, Tronxeym, Bergen shaharlari va Islandiya poytaxti Reykyavik band qilingan.

Ma’lumot uchun, turmush qiymati indeksi do‘kon va restoranlar, transportdagi qatnov narxi, kommunal xizmatlarga xarajatlar va mahalliy aholining xarid quvvati asosida hisoblanadi.