“El-Klasiko” oldidan “Barselona”da jiddiy muammo

Kataloniyaning “Barselona” klubi sardori, yarim himoyachi Andres Inesta yakshanba kungi “El-Klasiko” bahsini o‘tkazib yuborishi mumkin. Bu haqda “El Mundo Deportivo” nashri xabar bermoqda.

Ma’lumotlarga ko‘ra, 33 yoshli futbolchi sog‘lig‘idagi muammo tufayli jamoaning bugungi mashg‘ulotini o‘tkazib yuborgan. “Barselona” sardori yakkalik mashqlari bilan kifoyalangan.

Ma’lumot uchun, La Liganing 36-tur doirasidagi “Barselona” va “Real” jamoalari o‘rtasidagi o‘yin yakshanba kuni, Toshkent vaqti bilan soat 23:45 da start oladi.

Akmalxon Eshonxonov