Endi universitetga bormasdan hujjat topshirish mumkin

Toshkent davlat yuridik universitetiga o‘qishga kirish uchun hujjatlarni masofadan yuborish imkoniyati paydo bo‘ldi. Bu haqda Adliya vazirligi huzuridagi Davlat xizmatlari agentligi ma’lum qildi.

Davlat yuridik universitetiga masofaviy hujjatlarni Toshkent shahrining Yunusobod tumani, Namangan, Nukus, Andijon, Termiz, Kogon, Zarafshon, Shahrisabz, Qo‘qon shaharlari, Do‘stlik, Pastdarg‘om, Sirdaryo, Chirchiq, Xonqa tumanlarida joylashgan Davlat xizmatlari markazlaridan yuborish mumkin.

Ma’lum qilinishicha, hozircha ushbu tizim tajriba tariqasida joriy etilgan.

Akmalxon Eshonxonov