Epidemiolog COVID-19 endi kimlarga “hujum qilishini” ma’lum qildi

Paster mikrobiologiya va epidemiologiya ilmiy-tadqiqot instituti direktori Areg Totolyan kuzda koronavirus ilgari ijtimoiy aloqalardan qochgan odamlarga ta’sir qilishi mumkinligini ma’lum qildi.

Bu haqda mutaxassis "Interfaks" ga bergan intervyusida aytib o‘tdi.

Uning so‘zlariga ko‘ra, bunday bemorlarda COVID-19 og‘irroq o‘tishi mumkin, chunki uzoq vaqt davomida izolyasiya qilinganlar kasal bo‘lishmagan, shuningdek, passiv immunizasiya ham olmagan.

"Ertami-kechmi bu odamlar o‘zlarining "bunkerlaridan" chiqishadi va koronavirusga chalinishlari ehtimoldan xoli emas. Bunday holatlar ko‘p bo‘lishi mumkin!”, deydi Areg Totolyan.