Главная » 2020 » Июнь » 21 » Erta qarishga sabab bo‘luvchi 5 zararli odat
10:57

Erta qarishga sabab bo‘luvchi 5 zararli odat


Insonning tashqi ko‘rinishi, qarish jarayoni ko‘p hollarda genga bog‘liq bo‘ladi. Lekin shunday zararli odatlar borki, gen qanday bo‘lishidan qat’iy nazar erta ajin tushishiga olib keladi. Quyida ushbu odatlar qanday ekaniga to‘xtalamiz.

Ratsiondan yog‘ni chiqarib tashlash

Ko‘pchilik vazn tashlash uchun ratsionidan yog‘ni umuman olib tashlaydi yoki yog‘siz parhez qilishga kirishadi. Bunday parhez organizmga salbiy ta’sir qilish bilan birga, teriga ajin tushishiga olib keladi. Ozish yaxshi, lekin organizmni qiynash, salomatlikni ketkazish evaziga vazn tashlash yaramaydi. Shuning uchun taomnomangizda oz miqdorda bo‘lsa ham baliq mahsulotlari, yong‘oq, smetana va yog‘ bo‘lishiga e’tibor qarating.

Ichimlikni “trubochka” da ichish

Ichimlikni “trubochka”da ichish vaqtida lablar jipslashadi va bu og‘iz atrofidagi teriga ajin tushishiga sabab bo‘ladi. Shuning singari, sigaret chekishda ham shu holat kuzatiladi. Nafaqat yosh ko‘rinish, balki salomatligingiz uchun ham chekishni tashlash tavsiya qilinadi.

Yonboshlab uxlash

Uzoq umr ko‘rish uyquning to‘liq va tiniq bo‘lishi bilan ham bog‘liq. Yonboshlab uxlaganda esa yuz yostiqqa tegib turadi va bu vaqtda teri nafas olmaydi, qon yaxshi aylanmaydi. Bu esa o‘z navbatida yuz terisi va bo‘yinga erta ajin tushishiga olib keladi. Terining yosh va go‘zalligini saqlash uchun to‘g‘ri, tepaga qarab yotish eng yaxshi variant hisoblanadi.

Qomatni tik tutmaslik

Bukchayish va o‘tirganda qomatni tik tutmaslik umurtqaning egilishi va qiyshayishiga sabab bo‘lishi mumkin. Bu vaqtda muskullar zo‘​riqadi va shuning uchun ham biz charchoq va og‘​riqni his qilamiz. Bundan tashqari, tik yurish qomatga va hayot tarziga ham ta’sir qilmay qolmasligini yoddan chiqarmaslik kerak.

Quyosh nuridan saqlanmaslik

Ultrabinafsha nurlari — erta qarishga olib keluvchi eng asosiy sabablardan biri hisoblanadi. Shunga qaramasdan, ko‘pchilik faqat yozgi dam olish vaqtlarigina quyosh nurlaridan saqlanib, kundalik turmushda himoyalanishga rioya qilmaydi. Aslida esa hafta davomida ish yoki o‘qishga qatnash uchun ko‘chaga chiqilganda quyoshdan zararlanish ehtimoli yuqori bo‘ladi, Shuni inobatga olgan holda, himoyalovchi vositalar, tarkibida SPF bo‘lgan kremlardan foydalanish tavsiya qilinadi. Bulutlar 80 % ultrabinafsha nurlarini o‘tkazgani uchun jazirama bo‘lmagan kunlarda ham bunday kremlarni surtishni kanda qilmaslik kerak.


Manba: "daryo.uz"
Категория: Maslaxatlar | | Теги: 5 zararli odat, sabab bo‘luvchi, Erta qarishga | Рейтинг: 0.0/0
Всего комментариев: 0
avatar

Copyright © Tarona.net Media 2014-2020 | Все права защищены | Реклама |
Мы не несём ответственности за содержание. | Права на фильмы принадлежат их авторам. Все фильмы представлены только для ознакомления. |
Администрация не несет ответственности за размещенные пользователями нелегальные материалы! Любой фильм будет удален по требованию правообладателя