Farg‘onada janjal oqibatida tanishini pichoqlagan shaxs qo‘lga olindi

Farg‘onada fuqaroga pichoq bilan jarohat yetkazgan shaxs qo‘lga olindi, deb xabar qildiO‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

"Farg‘ona viloyatining Toshloq tumanida 27 mart kuni soat 14.00larda, "Furqat" MFY Guliston ko‘chasi 28-uyda yashovchi, 1993 yilda tug‘ilgan Sh.Husanov, Qo‘rg‘oncha mahallasi hududida o‘zaro janjal oqibatida tanishi, 1996 yilda tug‘ilgan A.Meliboyevning kurak qismiga pichoq bilan urib jarohat yetkazgan. Natijada A.Meliboyev kasalxonaga yotqizilgan. Sh.Husanov qo‘lga olingan", — deyilgan xabarda.