Главная » 2020 » Декабрь » 8 » Farg‘onalik «okaxon» jarimaga tortildi
10:48

Farg‘onalik «okaxon» jarimaga tortildi


Joriy yilning 7-dekabr kuni ijtimoiy tarmoqda «Farg‘onalik okaxonlarimizga bo‘laveradimi?» sarlavhasi ostida xabar tarqalgan.

Xabarda, Farg‘ona viloyati IIB JTSBga tegishli bo‘lgan, Neksiya rusumli, 40 312 VSF davlat raqam belgili maxsus xizmat avtomobili yo‘l harakati qoidalarining 91-bandini buzgan holda 1.4 (To‘xtash taqiqlangan joyni bildiradi. Yakka holda yoki 3.27 «To‘xtash taqiqlangan» yo‘l belgisi bilan qo‘llaniladi hamda yo‘lning qatnov qismi chetiga yoki yo‘l chetidagi to‘siq ustidan chiziladi) yo‘l yotiq chizig‘i chizilgan joyda to‘xtab turganligi aks etgan.

IIV YHXBB axborot xizmatining ma’lum qilishicha, mazkur holat o‘rganilgan va Neksiya rusumli, 40 312 VSF davlat raqam belgili maxsus xizmat avtomobili biriktirilgan Farg‘ona viloyati IIB JTSB haydovchi xodimiga nisbatan belgilangan tartibda chora ko‘rilgan.

«Jamoatchilik nazorati rivojlanishida o‘z hissasini qo‘shib borayotgan fuqarolarga minnatdorchilik bildirib, barcha haydovchilardan belgilangan qoidalarga amal qilishlarini, maxsus xizmat avtomobili biriktirilgan haydovchi xodimlar zaruriyat yuzasidan qoidalarda belgilangan tartibni chetlab o‘tish holati yuzaga kelganda ko‘k va qizil rangli mayoqchalarni yoqib, xavfsizlikni ta’minlash choralarini ko‘rishlarini so‘rab qolamiz», deyiladi xabarda.


Manba: "xabar.uz"
Категория: Mahalliy Habarlar | | Теги: Farg‘onalik, jarimaga tortildi, okaxon | Рейтинг: 0.0/0
Всего комментариев: 0
avatar

Copyright © Tarona.net Media 2014-2021 | Все права защищены | Реклама |
Мы не несём ответственности за содержание. | Права на фильмы принадлежат их авторам. Все фильмы представлены только для ознакомления. |
Администрация не несет ответственности за размещенные пользователями нелегальные материалы! Любой фильм будет удален по требованию правообладателя