Foto: Andijon viloyati hududida snaryad topildi

Andijon viloyati Jalaquduq tumani dala maydonida 152 mmli snaryad topildi. Bu haqda Andijon viloyati IIB Kun.UZ’ga ma’lum qildi.

Xabar qilinishicha, Jalaquduq shahar Boycheki MFYda yashovchi X.M. Jalaquduq tumani Teshiktosh QFY Dehqonobod mahalla hududida joylashgan «Foziljon-erlari» fermer xo‘jaligining dala maydonida ov qilayotgan vaqtida «Gaubisa D-20» nomli, uzunligi 70 sm, 152 mm kalibrli snaryadni topib olgan. U eskirib zanglagan holda bo‘lgan. Shundan so‘ng, X.M. o‘q-dorini yashash uyiga olib kelgan va o‘z ixtiyori bilan tuman IIB hodimlariga topshirgan.

Ushbu snaryad ayni vaqta viloyat IIB maxsus guruh xodimlariga topshirilgan. Tergovga qadar tekshiruvni tuman IIB tergov bo‘limi olib bormokda.