Go‘sht sanoati xodimlari o‘pka saratoniga chalinish xavfi ostida ekanligi aniqlandi

Amerikalik olimlar o‘tkazgan tadqiqot natijasida go‘sht sanoatida ishlash saraton o‘smalari, ayniqsa o‘pka saratoni xavfini oshirishini aniqlandi.

Jamoat salomatligini o‘rganish markazi go‘sht sanoatida ishlaydigan 6000 kishining ma’lumotlarini tahlil qildi. Olimlar hayvonlar bilan yaqin aloqada bo‘lish o‘pka va halqum saratoni, shuningdek, limfoma kabi kasalliklar xavfini oshirishini aniqladi. 

Tadqiqotchilarning aniqlashicha, kasallik xavfi katta ehtimol bilan tirik hayvonlarni so‘yish jarayoni bilan bog‘liq.