Главная » 2021 » Май » 3 » Hafta o‘rtasida salqin va yomg‘irli ob-havo kutilyapti
15:30

Hafta o‘rtasida salqin va yomg‘irli ob-havo kutilyapti


«O‘zgidromet» boshlangan hafta uchun ob-havo ma’lumotini e’lon qildi. 

Bugun respublika hududi bo‘yicha harorati 30-35°, janubda 37-38° bo‘lgan asosan kam bulutli va issiq ob-havo bo‘ladi.

Ertaga osmonni bulutlar qoplaydi, ammo hududlarning katta qismida quruq ob-havo saqlanib turadi, faqat Samarqand va Qashqadaryo viloyatlarida kunning ikkinchi yarmida ba’zi joylarda qisqa muddatli yomg‘ir yog‘ishi, momaqaldiroq bo‘lishi mumkin. Havo harorati deyarli o‘zgarmaydi.

Chorshanba kuni O‘zbekiston hududiga Kaspiy dengizining janubidan nam va deyarli salqin havo kirib kelishi boshlanadi. 5-mayda Samarqand, Jizzax, Sirdaryo, Qashqadaryo, Surxondaryo viloyatlarida, 6-mayda respublika hududining katta qismida (Qoraqalpog‘iston, Xorazm, Buxoro, Navoiy viloyatlaridan tashqari) ba’zi joylarda yomg‘ir yog‘adi, momaqaldiroq bo‘lishi mumkin.

4-6-mayda respublika bo‘yicha ba’zi joylarda shamol 15-20 m/s gacha kuchayadi.

Juma kuni momaqaldiroq bilan yomg‘ir yog‘ish ehtimoli faqat Toshkent, Andijon, Namangan, Farg‘ona viloyatlarida saqlanib turadi. Havo harorati deyarli o‘zgarmaydi va kechasi 12-17° ni, kunduzi 25-30° ni tashkil etadi.


Manba: "xabar.uz"
Категория: Mahalliy Habarlar | | Теги: yomg‘irli, ob-havo, salqin | Рейтинг: 0.0/0
Всего комментариев: 0
avatar

Copyright © Tarona.net Media 2014-2021 | Все права защищены | Реклама |
Мы не несём ответственности за содержание. | Права на фильмы принадлежат их авторам. Все фильмы представлены только для ознакомления. |
Администрация не несет ответственности за размещенные пользователями нелегальные материалы! Любой фильм будет удален по требованию правообладателя