“Instagram” bolalarni himoya qiladi

“Instagram” ijtimoiy tarmog‘i voyaga yetmagan bolalarni himoya qilish uchun yangi imkoniyat yaratdi. Endilikda voyaga yetmagan foydalanuvchilarning do‘stlari ro‘yxatida bo‘lmagan begona katta yoshli insonlar ularga xabar yubora olmaydi. Bunday holatda katta yoshli foydalanuvchilar xabar yubora olmasliklari to‘g‘risida xabar olishadi.

         Bundan tashqari, katta yoshli foydalanuvchilar haddan ortiq voyaga yetmagan bolalarni do‘stlar ro‘yxatiga qo‘shmoqchi bo‘lishsa, yoki qandaydir “shubhali xatti-harakatlar” ko‘rsatishsa, bu to‘risida bolalarga xabar yuboriladi. Ular bunday akkauntlarni bloklab qo‘yishlari yoki shikoyat qilishlari mumkin bo‘ladi.

         Tarmoqning yangi xususiyati shu oyda bir qancha davlatlarda ishga tushiriladi, bir oz muddatdan so‘ng dunyo bo‘yicha ishlay boshlaydi.