Ketma-ket uch kun dam olish bo‘ladi

Ertaga, 1 oktyabr — O‘qituvchi va murabbiylar bayrami taqvimda dam olish kuni sifatida belgilangan.

Demak, bugun barcha xodimlar odatdagidan 1 soat vaqtliroq uyiga ketishiga qonuniy haqqi bor.

Shuningdek, haftasiga besh kun ishlaydigan xodimlar uchun 2-3 oktyabr sanalari (shanba-yakshanba)  ham dam olish kuni hisoblanadi. Ular ketma-ket uch kun dam olishlari mumkin.

Haftasiga olti kun ishlaydigan xodimlar esa shanbada ishga chiqishadi.

Eslatib o‘tamiz, bayram (ishlanmaydigan) kunlari ishlash man etiladi. Mehnat Kodeksining 130-moddasiga ko‘ra, dam olish kunlarida xodimlarni ishlatish ta’qiqlanadi.

Xodimlarni shu kunlari ish beruvchining farmoyishi bilan ishga jalb etishga alohida hollardagina — jamoa shartnomasida, agar u tuzilmagan bo‘lsa, — ish beruvchi tomonidan kasaba uyushmasi qo‘mitasi yoki xodimlarning boshqa vakillik organi bilan kelishib belgilangan asoslar bo‘yicha va tartibda yo‘l qo‘yiladi.