Koronavirus chivin chaqishidan yuqadimi? JSST rasmiy bayonot berdi

“Infeksiyaning chivin chaqishi oqibatida odamga yuqishi haqida berilgan ma’lumotlar o‘z tasdig‘ini topgani yo‘q”, — deyiladi Jahon sog‘liqni saqlash tashkilotining rasmiy saytida.

“Yangi koronavirus — respirator virusi asosan havo-tomchi yo‘li orqali yuqadi, bemorning yo‘talishi yoki aksirishi natijasida nafas yo‘llaridan suyuq shaklda chiqib, tomchi shaklida boshqa bir odamning nafas yo‘llariga kirib oladi. Shuningdek, so‘lak tomchilari yoki burun oqishi oqibatida ham odamga yuqishi mumkin. 2019-nCoV koronavirusining chivin chaqishi oqibatida yuqqani yuzasidan holatlar kuzatilmagan. Infeksiyadan saqlanish uchun yo‘talayotgan, isitmasi baland odamlardan uzoqroq yurish, shu bilan birga qo‘llarni tez-tez yuvish, respirator gigiyena hamda tozalikka rioya qilish lozim”, — deyiladi tashkilot bayonotida.

Avval JSST kasallikning uy hayvonlariga yuqishi yoki ulardan odamlarga o‘tishi mumkin yoki mumkin emasligi yuzasidan ma’lumot bergandi.