Koronavirus Erongacha yetib bordi. U bilan kasallangan 2 kishi vafot etdi

Eronda yangi turdagi koronavirusga chalinish holatlari qayd etildi. Unga chalingan 2 kishi vafot etdi.

Bu haqda Eron sog‘liqni saqlash vazirligi vakili Kianush Jahonpur ma'lum qildi. 

Avvalroq Eronda koronavirus yuqtirganlikka gumon qilinayotganlar borligi ma'lum qilingan, biroq rasmiylar buni tasdiqlashmayotgandi. 
 
“Afsuski, ikki yoshi katta odam vafot etdi”, deb yozgan Jahonpur tvitterda. 

U, shuningdek, o‘z sahifasida Eron sog‘liqni saqlash vaziri o‘rinbosari virusga chalinganlar Eron fuqarolari ekani, ular butun dunyo shialari ziyorat joyi hisoblangan Kum shahridan bo‘lganini ma'lum qilgan videoni joylashtirgan.  

Avvalroq Tehron koronavirus epidemiyasi sababli Xitoy bilan aviaaloqani to‘xtatishga hamda Xitoydan kelayotganlarni karantinga joylashtirishga qaror qilgandi.