Главная » 2020 » Февраль » 2 » Koronavirus Hindistonga yetib bordi
10:38

Koronavirus Hindistonga yetib bordi


Hindistonning Kerala shtati Trissur okrugida yangi koronavirusdan zararlanish bo‘yicha ilk holat qayd etildi.

Virus uning tarqalish o‘chog‘i hisoblangan Uxan shahridan uyiga qaytgan talaba qizda aniqlangan. Qiz Uxan universitetida ta'lim olgan. 

Ta'kidlanishicha, bemorning ahvoli barqaror, u alohidalangan holda kuchli kuzatuv ostida qolmoqda. Bu haqda India Today nashri xabar berdi. 

“Biz barcha, jumladan xususiy shifoxonalarga shunga o‘xshash alomatlarga ega bemorlar sog‘lig‘i ortidan kuzatish vazifasini topshirdik. Sog‘liqni saqlash departamenti bemorlarni alohidalab, ularni davolashni boshlashga tayyor”, deb aytgan Kerala shtati sog‘liqni saqlash vaziri K.K.Shaylay.

Reuters axborot agentligining xabar berishicha, Hindiston hukumatidagi yuqori lavozimli amaldorlardan biri virus yuqtirish xavfi borligi sababli qizning Uxandan evakuatsiya qilinishini yaxshi variant bo‘lmaganini aytgan.   

O‘tgan haftada Hindiston Uxanga fuqarolarini qaytarish uchun samolyotni hozirlab qo‘ygan, biroq odamlarning evakuatsiya qilinishi jarayonini tartibga solishga harakat qilgan Xitoy hukumati roziligini kutgan.

“Virusi bo‘lmagan fuqarolargina evakuatsiya qilinadi, ular Dehli tashqarisidagi karantin markaziga yetkaziladi”, deb aytgan amaldor.

AQSh va Yaponiyaga Xitoydan o‘z fuqarolarini olib chiqishga ruxsat berilgach, boshqa davlatlar ham Xitoydan buni qat'iyroq talab qila boshlagan.


Manba: "kun.uz"
Категория: Dunyo xabarlari | | Рейтинг: 0.0/0

MAVZUGA OID MA'LUMOTLAR

Copyright © Tarona.net Media 2014-2024 | Все права защищены | Реклама |
Мы не несём ответственности за содержание. | Права на фильмы принадлежат их авторам. Все фильмы представлены только для ознакомления. |
Администрация не несет ответственности за размещенные пользователями нелегальные материалы! Любой фильм будет удален по требованию правообладателя