Koronavirus tamg‘asi: Aholi orasida “kovidofobiya” tarqalmoqda

Gannushkin nomidagi 4-sonli ruhiy kasalliklar shifoxonasining bosh shifokori Larisa Burigina moskvaliklar, asosan, psixologik yordam xizmatiga koronavirus tarqalishidan juda qo‘rqishayotgani bois murojaat qilishayotganligini ma’um qildi.

"Birinchidan, bu tashqariga chiqish va yuqtirishdan qo‘rqish. Shu bois bunday hodisani "kovidofobiya" deb atash mumkin", - dedi Burigina.

U, shuningdek, bir qator moskvaliklar uyda yolg‘iz o‘zi yakkalanib qolishganligi sababli stressni boshdan kechirayotganlarini, boshqalari esa qarindoshlari bilan yopiq joyda doimiy yashashdan qiynalayotganliklarini ta’kidladi.

"Hozirgi pandemiya sharoitda 35 yoshdan 50 yoshgacha bo‘lganlar ko‘proq stressga uchrashmoqda", - deya qo‘shimcha qildi Burigina.