Главная » 2020 » Июнь » 19 » Koronavirusning yangi alomati aniqlandi
20:31

Koronavirusning yangi alomati aniqlandi


Kanadalik olimlarning fikricha, koronavirusni yuqtirganda ko‘zlarning o‘zgacha qizarishi COVID-19 alomatlaridan biri bo‘lishi mumkin. Qayd etilgan ilk virusli keratokon’yunktivit haqida Kanada oftalmologiya jamiyati jurnalida chop etildi.

Shifokorlarning ma’lum qilishicha, noma’lum alomat 29 yoshli bemorda aniqlangan. Uning o‘ng ko‘zi qizargan, suvsimon ajralma oqqan va yorug‘likka qaray olmagan. 29-fevralda Kanadaga qaytgunga qadar u bir oy Filippinda va bir kun San-Fransiskoda bo‘lgan. 1-mart kuni unda tumov, yo‘tal va kon’yunktivit rivojlangan. Ayol isitmadan shikoyat qilmagan. Lekin isitma tushiruvchi preparat qabul qilganini tan olgan: dori yuqori tana haroratini yashirgan bo‘lishi mumkin.

Bir necha kundan so‘ng alomatlar yomonlashgach, bemor oftalmologiya klinikasiga yuborilgan. Ko‘zlaridan olingan surtmada SARS-CoV-2 chiqqan. Mualliflarning yozishicha, bu holat COVID-19 tarqalishining oldini olish uchun o‘zgacha kasallik alomatlarini aniqlashda qo‘shimcha choralar ko‘rish kerakligini anglatadi.


Manba: "xabar.uz"
Категория: Dunyo xabarlari | | Теги: Koronavirusning yangi alomati, aniqlandi | Рейтинг: 0.0/0
Всего комментариев: 0
avatar

Copyright © Tarona.net Media 2014-2020 | Все права защищены | Реклама |
Мы не несём ответственности за содержание. | Права на фильмы принадлежат их авторам. Все фильмы представлены только для ознакомления. |
Администрация не несет ответственности за размещенные пользователями нелегальные материалы! Любой фильм будет удален по требованию правообладателя