Главная » 2021 » Январь » 16 » Kosmosdan Yerga 12 shisha fransuz vinosi “uchib keldi”
10:07

Kosmosdan Yerga 12 shisha fransuz vinosi “uchib keldi”


Xalqaro kosmik stansiyadan Yerga ichida noodatiy yuk — 12 shisha fransuz vinosi va yuzlab tok novdalari bo‘lgan SpaceX kapsulasi qaytib keldi. Missiya yakunlangani to‘g‘risida Ilon Mask kompaniyasi Twitter orqali ma’lum qilgan, deb xabar beradi Esquire.

CNN va The Guardian’ning yozishicha, Yevropaning Space Cargo Unlimited startapi kosmosga vinoni 2019-yilning noyabrida, tok novdalari esa XKSga 2020-yil martida uchirilgan edi. Mutaxassislar buni Yerda o‘simliklarni parvarishlashning yangi usullarini ishlab chiqish va sayyoradagi ko‘proq odamlarni oziqlantirish usulini topish maqsadida amalga oshirgan.

Fransuz vinosining har bir shishasi po‘lat silindrga joylashtirilgan bo‘lib, XKS bortida ular muhrlangan holda turgan. Fevral oxiriga qadar shishalar yopiq qoladi, shundan so‘ng ularning bir yoki ikkitasi Bordodagi vino mutaxassisiga ekspertiza uchun topshiriladi. Fransiyadagi eng yaxshi ekspertlardan biri mikrogravitatsiya va kuchli radiatsiya vino va tok novdalariga qanday ta’sir ko‘rsatganini tekshiradi.

Taxminlarga ko‘ra, bu kelajakda tok novdalarining yanada qattiq sharoitda o‘sishini ta’minlashga xizmat qiladi. Tadqiqotchilar ekspertiza yordamida ichimlik ta’mi qanday o‘zgarganini aniqlash niyatida.

Mutaxassislarning ta’kidlashicha, tok novdalari kabi o‘simliklar insonlar oziqasida muhim ahamiyatga ega, biroq ular hech qachon kosmosda o‘rganilgan emas. Aynan shu sabab tok novdalari va vino o‘rganish hamda qishloq xo‘jaligini yaxshilash uchun ideal material sifatida qaralmoqda.


Manba: "daryo.uz"
Категория: Dunyo xabarlari | | Теги: Shisha, uchib keldi, Kosmosdan, fransuz, Yerga, vinosi | Рейтинг: 0.0/0
Всего комментариев: 0
avatar

Copyright © Tarona.net Media 2014-2021 | Все права защищены | Реклама |
Мы не несём ответственности за содержание. | Права на фильмы принадлежат их авторам. Все фильмы представлены только для ознакомления. |
Администрация не несет ответственности за размещенные пользователями нелегальные материалы! Любой фильм будет удален по требованию правообладателя