Maktab o‘quvchisini zo‘rlagan yigitning ahvoli ne kechdi?

Qirg‘izistonning Jalolobod viloyatida 11-sinf o‘quvchisini zo‘rlashda gumonlangan yigit qo‘lga olindi. Bu haqda “Kabar” nashri xabar berdi.

Ma’lumotlarga ko‘ra, 14 iyun kuni o‘quvchi imtixonlarga tayyorlanish uchun qo‘shnisinikiga chiqib ketib, uyiga qaytmagan. Ertasi kuni uning otasi milisiyaga murojaat qilgan.

Tekshiruvlar natijasida 15 iyun kuni qizning tunda zo‘rlangani aniqlangan.

“Gumondor qo‘lga olindi. Sari-Tala qishlog‘i fuqarosi mashinada qilgan jinoyatini tan oldi”, deydi milisiya.

Gumondor qamoqqa olingan.

Sunnatilla Abdullaev