Главная » 2020 » Ноябрь » 21 » «Malibu»da noodatiy giyohvand vosita aniqlandi
13:02

«Malibu»da noodatiy giyohvand vosita aniqlandi


2020-yilning 12-noyabr kuni soat taxminan 20:30 da Toshkent shahri, Chilonzor tumani bo‘yicha IIO FMB xodimlari Chilonzor tumani 19-mavzeda xizmat olib borayotgan vaqtida «Istanbul» do‘koni oldida fuqaro 30 yoshli Oybek D. o‘z boshqaruvidagi «Malibu» rusumli avtomashinada o‘zini shubhali tutganligi sababli uning yoni va boshqaruvidagi avtomashinasi xolislar ishtirokida ko‘zdan kechirildi.

IIV huzuridagi Tergov departamenti qayd etishicha, avtomashina old yo‘lovchi o‘rindig‘ida polietilen paket ichida ko‘k rangli kukunsimon modda va 5 dona har xil rangli plastmassa naychalar borligi aniqlanib, tegishli tartibda hujjatlashtirib olingan.

Sud-kimyoviy ekspertiza xulosasida, fuqaro Oybek D.dan olingan modda tarkibida giyohvand vosita «pirrolidinovalerofenon» mavjud bo‘lib, uning og‘irligi 0,25 grammni tashkil etishi, 5 dona plastmassa naychalarda ham «pirrolidinovalerofenon» izlari borligi aniqlangan.

Mazkur holat yuzasidan Chilonzor tumani bo‘yicha IIO FMB 1-sonli IIB TB tomonidan Oybek D.,ga nisbatan O‘zbekiston Respublikasi Jinoyat kodeksining 276-moddasi 2-qismi «a» bandi (giyohvandlik vositalari, ularning analoglari yoki psixotrop moddalarni o‘tkazish maqsadini ko‘zlamay qonunga xilof ravishda tayyorlash, egallash, saqlash va boshqa harakatlar) bilan jinoyat ishi qo‘zg‘atilgan.

Jinoyat ishi bo‘yicha Oybek D. gumon qilinuvchi tariqasida ishda ishtirok etishga jalb qilinib, himoyachi ishtirokida so‘roq qilingan.

Hozirda tergov harakatlari olib borilmoqda.


Manba: "xabar.uz"
Категория: Mahalliy Habarlar | | Теги: noodatiy, giyohvand, Malibu, vosita, aniqlandi | Рейтинг: 0.0/0
Всего комментариев: 0
avatar

Copyright © Tarona.net Media 2014-2020 | Все права защищены | Реклама |
Мы не несём ответственности за содержание. | Права на фильмы принадлежат их авторам. Все фильмы представлены только для ознакомления. |
Администрация не несет ответственности за размещенные пользователями нелегальные материалы! Любой фильм будет удален по требованию правообладателя