“Manchester Yunayted” debyutantlarga ochko ulashishda davom etdi

Bugun, 5 may kuni Angliya chempionatining 37-turiga start berildi.

Ushbu turning dastlabki bahsida “Brayton” o‘z maydonida “Manchester Yunayted”ni qabul qilib kichik hisobda ustun keldi.

57-daqiqada urilgan gol “Brayton”ni har tomonlama kelasi mavsum APLdan tushib ketmasligini ta’minlab berdi. Kris Xyuton boshchiligidagi jamoa 37 o‘yindan so‘ng 40 ochko to‘plashga muvaffaq bo‘ldi.

“Manchester Yunayted” esa joriy mavsum APLning barcha debyutantlari – “Xaddersfild”, “Brayton” va “Nyukasl”ga imkoniyatni boy berdi.

APL. 37-tur.
“Brayton” – “Manchester Yunayted” 1:0.
Gol: Gross (57).

“Brayton”: Rayan, Saltor, Daffi, Dank, Bong, Knokert, Stivens, Propper, Iskerdo (March, 88), Gross (Kayyal, 84), Myurrey (Uloa, 90).

“Manchester Yunayted”: De Xea, Darmian (Shou, 68), Smolling, Roxo (Maktomini, 76), Yang, Fellayni (Lingard, 68), Matich, Pogba, Mata, Reshford, Marsyal.

Ogohlantirishlar: Myurrey (47), Gross (67).

Akmalxon Eshonxonov