Natasha Korolyova nima uchun buvisining dafn marosimida qatnasha olmasligini izohladi

Rosiyalik xonanda Natasha Korolyova Kiev shahrida vafot etgan buvisining dafn marosimida qatnasha olmaydigan bo‘ldi, deb xabar berdi “Tvzvezda.ru” nashri. 

“Buvimning dafn marosimida qatnasha olmasligimga Ukraina respublikasi xavfsizlik xizmatining meni mamlakat hududiga kirishimni taqiqlagani sabab bo‘ldi”, deb izohladi bu holatni Natasha Korolyova.

Xonanda o‘zining Instagram sahifasida buvisining olamdan o‘tgani haqida xabar qoldirgan.

“Bugun Kievda buvim olamdan o‘tdi. Ammo men uning dafn marosimiga borolmayman...”, deb yozgan xonanda. 

2016 yilda Ukraina xavfsizlik xizmati Natasha Korolyovani Qrimning Rossiyaga qo‘shilganini qo‘llab-quvvatlaganlikda ayblab, unga Ukraina hududiga kirishni 5 yil muddatga taqiqlagan edi. 

“Agar buvimga biror kor-hol bo‘lsa, men Kievga borolmayman. Eng dahshatlisi uning dafn marosimida qatnasholmayman... Sog‘ligi ko‘tarmaganligi bois u Moskvaga kelolmaydi...” deb yozgan edi xonanda.