09:54 O‘lchamning ahamiyati: kola idishi, disk va A4 qog‘ozlarining shakli nega aynan shunday ko‘rinishda? | |
Buyumni ishlab chiqaruvchilar uning parametrlarini qanday paydo qilganligi haqida har doim ham o‘ylayvermaymiz. Biroq ko‘pincha oddiy narsalarning orqasida qiziqarli voqealar yotadi 0.33 banka Bunday bankalar uzoq vaqt davomida konserva mahsulotlarini saqlash uchun ishlatilgan. Ularda makkajo‘xori, no‘xat va salqin ichimliklar konservalanadi. Uning standart hajmi 330 ml idishga teng. Bu quyidagi qiziqarli fakt bilan bog‘liq. Urushdan keyingi davrda ilgari no‘xat uchun ishlatilgan bankalarga pivo quyila boshlandi. AQShda bankalarning bunday standarti hanuzgacha o‘z ahamiyatini yo‘qotmagan. Yevropada bu hajm ⅓ litrgacha, ya’ni 330 millilitrgacha yaxlitlangan. Qizig‘i shundaki, hatto bankalarning ko‘rinishini yuqoriga yoki pastga o‘zgartirilsa ham, diametri 2,6 dyumligicha qolaveradi. Kompakt-disk Kompakt-disklarning diametri 12 santimetr bo‘lib, u 74 daqiqalik ovozni saqlashga qodir. Bunday format paydo bo‘lishining bir nechta sabablari mavjud. Birinchisi, Sony prezidenti London filarmonik orkestri tomonidan ijro etilgan Betxovenning to‘qqizinchi simfoniyasini kompakt-diskka joylashtirishni xohladi. Ijro 74 daqiqa bo‘lib, 12 santimetrlik diskka joylandi. Ikkinchisi, Philips – 11,5 santimetr, Sony – 10 santimetr o‘lchamdagi disk chiqarmoqchi edi. 12 santimetrlik disk o‘lchami bu ikki kompaniya o‘rtasidagi murosa natijasi bo‘ldi. A4 qog‘oz o‘lchami A, B va C kabi bir nechta qog‘oz formatlari mavjud. A format shunday tuzilgan: kattaroq varaqni ikkiga bo‘lib, keyingi ikkita varaqni hosil qilamiz. Buni amalga oshirish uchun tomonlar nisbati 1,414:1 ga teng bo‘lishi kerak. A0 o‘lchami sifatida 1 kvadrat metr maydonga ega bo‘lgan qog‘oz olindi. Uning kengligi 84,1 santimetr va uzunligi 118,9 santimetrga teng edi. A4 yozishmalar uchun barcha formatlar ichida eng maqbuli ekanligi isbotlangan.
Manba: "xabardor.uz"
| |
|