Главная » 2020 » Июль » 11 » O‘zbekiston xalq hofizi Mahmudjon Tojiboyev vafot etdi
22:17

O‘zbekiston xalq hofizi Mahmudjon Tojiboyev vafot etdi


Fidoyi va jonkuyar ustoz, O‘zbekiston xalq hofizi Mahmudjon Tojiboyev 63 yoshida vafot etdi.

M.Tojiboyev Farg‘onaning Quva tumanida, dehqon oilasida dunyoga kelgan. Maqom ijrochiligi bo‘yicha O‘zbekiston davlat konservatoriyasida tahsil olgan.

Mahmudjon Tojiboyev o‘tgan asrning 80-yillaridan qo‘liga tanbur olib, ustoz Orifxon Hotamov, Fattohxon Mamadaliyevlar izidan borib, xalq e’tiboriga tusha boshladi. U paytlarda yoshlar orasida tanbur chalib, ashula aytish yangilik bo‘lgan.

Konservatoriyani muvaffaqiyatli tugatib, O‘zbekiston radiosi qoshidagi Yunus Rajabiy nomidagi «Maqom» ansambliga ishga kiradi. Shu kezlarda Shashmaqomni «stereo» usulida qayta yozish ishlari boshlangan edi. Mazkur jarayonlarda faol ishtirok etib, ko‘plab maqom sho‘’balarini o‘zi ijro qildi. Ular hozirgacha xalqimiz ko‘nglidan joy egallab, radio va televideniyemiz fonotekasining eng nodir namunalaridan bo‘lib kelmoqda.

Repertuaridan Shashmaqom («Saraxbori Navo», «Saraxbori Dugoh», «Mo‘g‘ulchai Segoh», «Navro‘zi Sabo», «Nimcho‘poniy» va b.) va Farg‘ona—Toshkent maqom yo‘llari («Dugoh», «Chorgoh», «Ushshoq», «Shahnozi Gulyor», «Bayot» va b.), katta ashula («Yovvoyi Chorgoh», «Yolg‘iz», «Ey dilbari jononim» kabi), mumtoz («Topmadim», «Asiriy» va «Ldoiy», «Chorzarb», «Bozurgoniy») va XX asr  bastakorlari («Keldik», «Nazzora qil», K. Jabborov; «Kezarman», F.Toshmatov; «Jonim erursan», M. Murtazoyev; «Dilrabolar», O. Nuriddinov; «Bu oqshom», O. Hotamov va b.) asarlari o‘rin olgan.

«Xabar.uz» ijodiy jamoasi marhumning oila-a’zolari va yaqinlariga ta’ziya izhor qiladi.


Manba: "xabar.uz"
Категория: Mahalliy Habarlar | | Теги: Mahmudjon Tojiboyev, vafot etdi, xalq hofizi, O‘zbekiston | Рейтинг: 0.0/0
Всего комментариев: 0
avatar

Copyright © Tarona.net Media 2014-2020 | Все права защищены | Реклама |
Мы не несём ответственности за содержание. | Права на фильмы принадлежат их авторам. Все фильмы представлены только для ознакомления. |
Администрация не несет ответственности за размещенные пользователями нелегальные материалы! Любой фильм будет удален по требованию правообладателя