16:31 O‘zbekistonda COVID-19 yuqtirganlar bilan aloqada bo‘lmagan qiz koronavirusga chalindi | |
O‘zbekistonda chet elda bo‘lib qaytmagan, chet elda bo‘lib qaytgan shaxslar bilan kontaktda bo‘lmagan shaxsda ham koronavirus aniqlangan. Bu haqda Davlat Bosh sanitariya vrachi Bahrom Almatov brifing vaqtida ma’lum qildi. “20 yoshli qizda shunday holat aniqlangan. U xorijga chiqmagan, bemorlar bilan kontaktda bo‘lmagan. Biroq u o‘zi xohlagan va xohlamagan, bilib-bilmagan tarzda jamoat transportida, ish jarayonida umumiy foydalanadigan buyumlardan foydalangan bo‘lishi va shu orqali kasallikni yuqtirib olgan bo‘lishi mumkin”, dedi Bahrom Almatov. “Bu holat hammamizni hushyorlikka chaqiradi”, deydi Almatov. Avvalroq, koronavirusga chalingan bemorlarnin 5 nafarida kasallik alomatlari yo‘qolgani haqida xabar bergan edik.
Manba: "qalampir.uz"
| |
|