Obid Asomov "Multiplikasion filmlar studiyasi"ga direktor etib tayinlandi

O‘zbekistonda xizmat ko‘rsatgan artist Obid Agzamovich Asomov "Multiplikasion filmlar studiyasi" DUKga direktor lavozimiga tayinlandi. Bu haqda “O‘zbekkino” milliy agentligi xabar berdi.

O‘zbekiston Respublikasi prezidentining 2017 yil 7 avgustdagi “Milliy kinematografiyani yanada rivojlantirish chora-tadbirlari to‘g‘risida”gi PQ 3176- sonli hamda Vazirlar Mahkamasining 2017 yil 28 dekabrdagi “O‘zbekkino” Milliy agentligi faoliyatini tashkil etish bo‘yicha qo‘shimcha chora-tadbirlar to‘g‘risidagi 1030-sonli qarorlariga asosan "Multiplikasion filmlar studiyasi" DUK tashkil etilgan.

Obid Asomov 1963 yil 22 oktyabr kuni Toshkent shahrining Chilonzor tumanida tavallud topgan. 1993 yilda “Obid-A” teatrini tashkil qilgan. O‘zbekiston va xorijda mashhur qiziqchi, iste’dodli aktyor sifatida tanilgan.