Главная » 2020 » Июль » 10 » Olimlar COVIDga immunitet borasida hayratlanarli xulosaga kelishdi
08:56

Olimlar COVIDga immunitet borasida hayratlanarli xulosaga kelishdi


COVID-19 kasallanib chiqqan ba’zi bemorlarda vaqt o‘tishi bilan tanasida antitanachalar yo‘q bo‘lib ketishi mumkin. Bunday hulosaga Ispaniya milliy epidemiologiya markazi mutaxassislari boshchiligidagi xalqaro olimlar guruhi keldi, deya xabar beradi RadioSputnik “Biznes Online”ga asosan.

Olimlar o‘tkazgan tadqiqot davrida Ispaniyaning 61075 aholisi antitanachalarga  test topshirdi, ba’zilariga esa mikrozarrachalarga xemilyuminessent immunotahlil yordamida sinovlar o‘tkazildi. The Lancet tibbiy jurnalida chop etilgan tajriba natijalariga ko‘ra, Ispaniya pandemiyadan eng ko‘p aziyat chekkan mamlakatlardan biri bo‘lishiga qaramay, bemorlarning atigi 4,6-5,2 foizida antitanachalar ishlab chiqilgan.

Bundan tashqari, ilgari antitanachalari aniqlangan bo‘lgan bemorlarning 14 foizida, ikki oy o‘tgach, ular topilmadi. Ko‘pincha antitanachalar, COVID-19ning yengil shaklini yoki umuman alomatsiz o‘tkazgan odamlarda yo‘qoladi. Reding Universitetining virusologiya professori Ien Djonsning tushuntirishicha, kasallik alomatsiz kechishida organizm “immunologik xotirani” yaratishga qodir emas. Unga ko‘ra, antitanachaga testning ijobiy natijasi bo‘lgan bemorlar yana infeksiyaga chalinishi mumkin.

Shu bilan birga, olimlar immunitet shakllanishi bilan geografik joylashuv o‘rtasidagi bog‘liqlikni aniqladilar: katta megapolislar hududida antitanachalari bor odamlarning nisbati mos ravishda 10% va 7% dan oshdi, ammo dengiz bo‘yida yashovchi aholisi orasida bu 3% dan kam chiqdi.

Tadqiqotda aytilishicha, tibbiyot hodimlarida antitanachalar oddiy odamlarnikidan ikki marotaba ko‘proq aniqlangan. Hammadan kamroq - 10 yoshgacha bo‘lgan bolalarda. Qonida antitanachalari aniqlanganlarning uchdan biri alomatlarsiz og‘rigan, shuningdek mutaxassislar, kasallanish va jins o‘rtasidagi bog‘liqlikni ham aniqlamadilar.

Mutaxassislar koronavirus vaksinasi immunitet tizimining tezkor reaksiyasini keltirib chiqarishi uchun yetarlicha kuchli bo‘lishi kerak, degan xulosaga kelishdi, aks holda odamlar muntazam ravishda in’eksiya qilishlari kerak bo‘ladi. Bundan tashqari, infeksiyaga qarshi kurashda kollektiv immunitetning shakllanishiga tayanib bo‘lmaydi, chunki ba’zi davolanib chiqqanlar yana yuqtirishi mumkin.

 


Manba: "aniq.uz"
Категория: Dunyo xabarlari | | Теги: Immunitet, borasida, hayratlanarli, xulosaga kelishdi, COVIDga, Olimlar | Рейтинг: 0.0/0
Всего комментариев: 0
avatar

Copyright © Tarona.net Media 2014-2020 | Все права защищены | Реклама |
Мы не несём ответственности за содержание. | Права на фильмы принадлежат их авторам. Все фильмы представлены только для ознакомления. |
Администрация не несет ответственности за размещенные пользователями нелегальные материалы! Любой фильм будет удален по требованию правообладателя