Qohirada portlash. 6 nafar polisiyachi halok bo‘ldi

9 dekabr kuni Misr poytaxti Qohiradagi Giza ehromiga olib boruvchi Al-Haram ko‘chasida portlash sodir bo‘ldi. Misr huquq-tartibot organlari ma’lumotiga ko‘ra, portlash oqibatida 6 nafar polisiya xodimi halok bo‘ldi, yana yetti nafar odam jarohat olgan. Bu haqda “Rosbalt.ru” xabar bermoqda.
 
Aniqlanishicha, jarohat olganlarning 3 nafari polisiyachi, 4 nafari mahalliy aholi vakili hisoblanadi.
 
Portlash Al-Haram ko‘chasidagi nazorat-punkitida sodir bo‘ldi. Portlovchi qurilma polisiya mahkamasi yonidagi chiqindi qutisiga yashirilgan ekan, deyiladi xabarda.
 
Odatda, portlash sodir bo‘lganidan so‘ng, qaysidir terroristik guruh uyushtirilgan portlash uchun javobgarlikni o‘z bo‘yniga olar va portlash uyushtirishdan maqsadini ma’lum qilar edi. Lekin hozircha ushbu portlash uchun javobgarlikni hech bir terrorchi o‘z zimmasiga olmagan.

Muxtorbek Abdullaev