Главная » 2020 » Октябрь » 29 » Qoraqalpog‘istonga osmondan tushgan shar shaklidagi metall nima edi?
23:52

Qoraqalpog‘istonga osmondan tushgan shar shaklidagi metall nima edi?


Qoraqalpog‘istonning Mo‘ynoq tumani Qipchoq daryo ovuli hududiga osmondan shar shaklidagi metall jism tushgani haqida yozgan edik.

Voqea guvohlaridan biri bo‘lgan Sabir Karamatdinovning aytishicha, dastlab osmonda 3-4 marotaba portlash ovozi eshitilgan, keyin esa noma’lum jism katta tezlikda uchib kelib yerga urilgan. Shar shaklidagi ushbu jism undan taxminan 100 metrlar uzoqlikka tushgan. Shundan so‘ng, oradan 10 minutlar o‘tib, u sharning yoniga borgan va uni qo‘li bilan ushlab ko‘rganida issiq ekanligini bilgan. Bu haqda "Daryo" yozmoqda.

Yana bir guvoh Feruza Karamullayevaning so‘zlariga ko‘ra, shar ko‘rinishidagi jismning bir tomoni biroz o‘yilgan. U bolalaridan sharni rasmga olishni so‘ragan. Keyin bu suratlarni internet tarmog‘iga tarqatgan. «Qaraqalpaqstan» telekanali «Xabar» dasturi muxbiri voqea joyiga borgan. Ammo voqeaga guvoh bo‘lgan Sabir Karamatdinov bilan uchrasha olmagan.

«Yangi O‘zbekiston» gazetasining yozishicha, Mo‘ynoq hokimligi matbuot xizmati ham yuqoridagi xabarni tasdiqlagan. Osmondan tushgan metallning nima ekani soha mutaxassislari tomonidan o‘rganilishi kutilmoqda.

Internet ma’lumotlariga ko‘ra, bunday shar 2011 yilda Nambiyaga, 2012 yilda Braziliyaga ham tushgan. Xuddi shunday holat 2018 yilda Peruda ham kuzatilgan. Peruga shar osmondan tushib, yerda 30 santimetrlik chuqurlik hosil qilgan. Sharning og‘irligi 40 kilogrammni, diametri esa bir metrni tashkil etgan.

New York Times’ning yozishicha, bunday sharlar aslida reketaning bir qismi bo‘lib, yerga yana qaytib tushgan kosmik chiqindidir. Sharlar yoqilg‘i solinadigan idish bo‘lib, ko‘pincha raketaning omon qoladigan yagona qismi hisoblanadi. Kosmik chiqindi atmosferaga tushganida kuchli ishqalanishga uchraydi va bu uning qizishiga olib keladi.


Manba: "aniq.uz"
Категория: Mahalliy Habarlar | | Теги: tushgan, metall, shar, Qoraqalpog‘istonga, osmondan | Рейтинг: 0.0/0
Всего комментариев: 0
avatar

Copyright © Tarona.net Media 2014-2020 | Все права защищены | Реклама |
Мы не несём ответственности за содержание. | Права на фильмы принадлежат их авторам. Все фильмы представлены только для ознакомления. |
Администрация не несет ответственности за размещенные пользователями нелегальные материалы! Любой фильм будет удален по требованию правообладателя