Ramazon oyida fohishaxona ochganlar aniqlandi

Joriy yilning 13 iyun kuni taxminan soat 16:00 larda o‘tkazilgan tezkor tadbir davomida S.U. Chilonzor tumani hududida joylashgan xonadonida fohishaxona saqlab, 50.000 so‘m pul evaziga fuqaro D va R larga jinsiy aloqa qilishlari uchun sharoit yaratib bergani aniqlangan.

Mazkur holat yuzasidan Chilonzor tumani IIB huzuridagi Tergov bo‘limi tomonidan O‘zbekiston Respublikasi JKning 131-moddasi 2-qismi (fohishaxona saqlash) alomatlari bilan jinoyat ish qo‘zg‘atilib, tergov harakatlari olib borilmoqda.

Yuqoridagi shaxsning anketa ma’lumotlari o‘zgartirilgan bo‘lib, familiya va ismlarning o‘xshashlik holati tasodifiy bo‘lishi mumkin.